J�n P�tur Einarsson

Gle�ilegt �r!!

Fri, 06 Mar 2009 13:03:29 +0000

Ég var að koma úr sjósundi. Mjög stillt og fallegt veður en sjórinn var sá kaldasti til þessa eða aðeins 0,7 gráður. Ég hitti Birnu og var hún spræk að vanda enda komin í helgarfrí. Við Hörður stefnum að því að mæta á föstudögum hér eftir því miðvikudagarnir henta mér síður.

Gle�ileg j�l allir saman!

Tue, 23 Dec 2008 15:59:03 +0000

Sj�sund

Thu, 18 Dec 2008 14:26:16 +0000

Hitinn í Nauthólsvík hefur verið um 2 gráður síðustu 3 miðvikudaga en svo sá ég það í gær að sjóhitinn við Grímsey var tæpar 4 gráður. Humm þetta er nú eitthvað skrítið...!

Aldrei of varlega fari�!

Wed, 03 Dec 2008 22:40:18 +0000

Það var sem sagt farið í sjósund í dag. Þetta var mitt fyrsta skipti og dagurinn náttúrulega valinn með tilliti til þess. Sjórinn var sem sagt 1,8 gráður (ath komman á að vera) og hífandi rok.

Ég var alveg búinn að ákveða að fara útí og sá fljótlega að best væri að drífa í því. Þessvegna hoppaði ég fyrstur útí. Þegar þangað kom hafði ég ekkert sérstakt að gera, mér hálpartinn leiddist svo ég stökk bara uppúr aftur.

Þegar ég kom í vinnuna aftur var það mitt fyrsta verk að kaupa sundbolta svo ég myndi hafa eitthvað að gera næst þegar ég færi.

Segja aðeins frá því að þegar við komum að búningsaðstöðunni (líka á vefnum) voru viðvaranir sem voru á þessa leið:

03.12.2008
Aldrei of varlega farið!
Starfsfólk Nauthólsvíkur vill sérstaklega minna sjósundgesti á að fara varlega. Nú um stundir er sjórinn rétt um 2°C og því nokkuð varasamt að ætla sér mikið í sundinu.
Kær kveðja, starfsfólk Nauthólsvíkur.

Enn af Sam�amanninum.

Wed, 22 Oct 2008 09:42:21 +0000

Sérhver papalangi hefur vinnu. Það er erfitt að útskýra hvað þetta merkir. Þetta er nokkuð sem flestir ættu að hafa mikla löngun til að hafa en flestir kæra sig þó lítið um. Að hafa vinnu merkir: að gera alltaf það sama. Að gera eitthvað svo oft að maður getur gert það með lokuð augun og án allrar áreynslu.

Papalangi = hvíti maðurinn

A�sto� vi� unga d�mu

Tue, 14 Oct 2008 12:56:28 +0000

Maður nokkur var að aka bíl sínum heim í mikilli rigningu, þegar hann
sér unga konu við bilaðan bíl sem veifar til hans, Maðurinn tekur
konuna gegnvota upp í, og spyr hvert hún sé að fara, hún segist vera á
leið í næsta bæ, Maðurinn býður henni því heim, þar sem stutt var heim
til hans og hún rennvot. Þegar heim er komið, eru skilaboð frá konunni
hans að hún hafi farið út að hitta vinkonur sínar.

Nokkru seinna kemur frúin heim og fer upp í svefnherbergi, og sér þar
manninn sinn vera í samförum við ókunnuga konu. Konan hleypur niður og
maðurinn á eftir, og í miðjum stiganum meðan hann hysjar upp um sig
buxurnar kallar hann, "ég get útskýrt" konan stoppar og segir "ég
myndi elska að heyra þig útskýra þetta". "

Sko, ég var að keyra heim og stoppa fyrir konunni þar sem hún stóð út
í rigningunni og bauð hjálp mína, svo komum við hingað og hún spurði
mig hvort konan mín ætti einhver gömul föt til að lána henni"! , "ég
sagði þá að þú ættir buxur sem þú væri löngu hætt að nota, og blússu
sem þú værir löngu, löngu hætt að nota, einnig lét ég hana hafa sokka
og skó sem þú varst löngu síðan hætt að nota, og að endingu lét ég
hana hafa jakka sem þú varst fyrir lifandis löngu hætt að nota".

Svo sagði maðurinn daufum orðum, "svo spurði stúlkan mig hvort það
væri eitthvað fleira sem þú værir hætt að nota".

Hversu gott er a� vera �g

Wed, 08 Oct 2008 21:41:54 +0000

Það fer ekki á milli mála að nú eru miklar sviptingar í fjármála-, fyrirtækja-, starfs- og milliríkjaumhverfi. Bankar hverfa af yfirborðinu hver eftir annan eins og það sé ekkert sjálfsagðara. Gengi krónunnar okkar er í einhverskonar rússibanareið sem hefur reyndar meira farið niður en upp. Fyrirtæki standa höllum fæti og "vina"ríki eru farin að hóta hvert öðru.

En gleymum því ekki að í svona sviptingum eru ALLTAF tækifæri! Munum það t.d. að margir efnuðust vel á einkavæðingu bankanna á sínum tíma. Hvernig væri að taka þátt í því þegar þeir verða einkavæddir aftur.... Lífið er yndislegt.

Nú er gagnslaust að velta vöngum yfir því sem þú ekki hefur.

Hugsaðu heldur um hvað gera má úr því sem fyrir hendi er.

( ERNEST HEMINGWAY )

Enn af Sam�amanninum

Tue, 07 Oct 2008 20:46:58 +0000

Kannski aðeins fyrst um Davíð. Eftir viðtal við hann í Kastljósinu í kvöld og þær breytingar sem orðið hafa í efnahagslífinu frá síðustu færslu frá mér tel ég að ég hafi farið full frjálslega með hans aðild að Glitnis-mánudags-málinu. Ég hef allavega engan áhuga á því að börnin mín og barnabörnin mín séu veðsett í topp af mönnum sem kunnu sér ekkert hóf í græðgi. Umhyggja mín og samúð liggur hjá börnunum mínum en ekki ofurkapitalistum sem lifa í sýndarveruleika. Davíð er besta skinn.

Að Samómanninum, hér lýsir hann því hvernig honum finnst að hvílast í húsum hvíta mannsin í Evrópu:

"Aldrei tókst mér að finna kofa í Evrópu þar sem ég gæti komið mér þægilega fyrir á teppinu, þar sem ekkert olli limum mínum óþægindum þegar ég teygði úr mér. Allir hlutir skutu eldingum eða æptu hástöfum með munni lita sinna svo að ég gat ekki lokað augunum. Aldrei gat ég fundið sannan frið og oft langaði mig heim í kofann minn á Samóa þar sem engir hlutir eru aðrir en teppin mín og svefnvöndullinn þar sem ekki kemur yfir mig annað en mild hafgolan."

Á vel við að enda með þessum orðum hans:

"Því sannari Evróðubúi sem maður er, þeim mun fleiri hluti þarf maður að eiga."

H�fu�borg bankanna � ��skalandi, Frankfurt.

Sat, 04 Oct 2008 12:55:00 +0000

Það vildi þannig til að ég flaug út til Frankfurt snemma á mánudagsmorgun. Í þessari borg er höfuðvígi margra þýskra banka. Það fyrsta sem maður frétti við lendinguna var það að Glitnir væri farinn á hausinn. Kom reyndar síðar í ljós að það var kannski aðeins orðum aukið en allavega hafði Davíð farið óvarlega með almannafé til þess að klekkja á þeim sem hann hafði staðið lengi í illdeilum við í viðskiptalífinu. Maður hugsaði því þegar maður leit yfir alla bankana hér í Frankfurt, nú er kannski kominn tími á það að skipta um banka og færa viðskiptin hingað!

Hugsum minna

Mon, 08 Sep 2008 22:49:49 +0000

Nálægt miðju Kyrrahafsins sunnan miðbaugs er eyjaklasi sem nefnist Samóaeyjar. Eyjaskeggjar eru Pólýnesar og aðeins um 170.000 talsins. Í bókinni "Papalangi" er sagt frá því hverning maður frá þessum eyjum upplifir ferð til Evrópu. Margt í þessari bók er stórkostlegt og vekur upp spurningar. Erum við (hvíti maðurinn) á réttri leið...? Hvort er betra að vera glaður, mettur, áhyggjulaus og hamingjusamur eða argur, áhyggjurnar að sliga mann og óhamingjusamur? Í fyrra tilvikinu hefurðu nógan tíma og ekkert stress en í því síðara er sífellt tímaleysi og stress.

Hér kemur smá kafli úr bókinni, þarna er Samóamaðurinn að segja skoðun sína á hugsun/menntun:

Hugsun er talin gera höfuðið mikið og háleitt. Ef einhver hugsar mikið og hratt er sagt í Evrópu að hann sé ”mikill hugsuður”. Í stað þess að hafa samúð með þessum miklu hugsuðum er þeim sýnd alveg sérstök virðing.

... en raunar er sá vitri auðvitað hinn sem ekki hugsar sérlega mikið og kann sjálfur að rata.

Á sama hátt eru höfuð barnanna troðin út af hugsunum, eins mörgum og þar komast fyrir. Þau eru neydd til að naga í sig vissan skammt af hugsanateppum. Aðeins þau heilbrigðustu hrinda hugsununum frá sér eða láta þær smjúga gegnum anda sinn eins og net. En flestir ofhlaða höfuðið með hugsunum svo mjög að þar er ekkert pláss lengur og ekkert ljós nær þangað framar með geisla sína. Þetta er nefnt að ”mennta sálina”, ástand sem hefur hlotið almenna útbreiðslu.

Það eina sem gæti orðið öllum þessum hugsunarsjúku mönnum til heilsubótar er gleymska, að kasta frá sér hugsununum.

Hugsanateppi eru bækur. Lækningin í síðustu málsgreininni er stórkostleg!